Qis ayinin’ suwiq kunleri adamdi erinshek etip, ayazli samali denen’di shimirtip ton’diradi. Qisqi dem alistan son’ oqiw baslanip mektep oqiwshilari oyi ele oyin kulkide. Sol qatari menin’de oyim dalada. Oqiw baslandi. Ku’ndegidey sabaqlar izbe–iz bolip atir. Mug’allimlerge de hayransan’. Tap oqimay barg’an ku’ni sennen soraydi. Barliq sabaqlardan kitap da’pterimdi aldipda barg’an edim, qirsig’ina matematika pa’ninen tayarlanip barmag’anim, ustine dapterimdi de umitip qaldirg’an ekenmen. Uyqim kelip, ko’zimnin’ aldi tinip, ale neler oyima kelip, aspanda uship jurmen. Bir waqitta mug’allim menin’ familyamdi oqip qalsa bola ma? Uship ornimnan turdim.
- Qa’ne, uyge tapsirmani orinladin’ba?
Biraz undemey turdimda : - Yaq, -dep juwap berdim.
Mug’allim menen sebebin sorag’anda, undemey basimdi to’men qaratip tura berdim
- Ne ushin tayarlanbadin’ –dep sorawg’a tutti.
- Ne ushin tayarlanbadin?
Bir waqitta ta’rtipke shaqirip bolg’an son’: -Men sag’an bahani aspannan alip qoyaman ba? –dedi. Ele basim to’men qarag’an turiwimda qatip turman. Otir degende g’ana basimdi koterip orinma a’ste otirdim. Waqit o’tpey, qon’iraw basilmadi dep, ko’zimdi uqalap qoyaman. Aytewir qon’iraw basilip, shug’irlasip shig’a basladiq. Aradan eki ku’n o’tip, ja’ne matematika pa’ni mug’allimi klassimizg’a kirip keldi. Bul ret barliq tapsirmalardi orinlap bardim. Qolimdi ko’terip ‘’ mug’allim men shig’ayin’’ dew menen qolimda taldi. Ornimda bultiyip otirsam mug’allim ‘’ne boldi onsha, qabag’indi uyip?’’ –dep, soradi. Ornimnan turip’’ tayarlanip kelip edim siz basqalardan sorap, menen soramadin’iz’’ –dep, juwap berdim . Sonda ‘’senin’ bahan’ bar’’ –dedi. Hayran qaldim. Ya mug’allim aljasti, ya menin’ qulag’im. Keshe g’ana joq degen edi , al bugin minanday, tusinbedim?? Sol ku’ngi sabaqlar juwmaqlang’annan son’ joram menen u’yge qaytip baratirip oylanaman: sonda mugallimleridin’ aspannan alip qoyaman ba, degeni ras bolip tur ma? Yaq-yaq dep, o’zime isenbey aspang’a qarap qoyaman. Joramnan sorap ko’reyin dep onnan soradim:
- Sen mug’allimlerdin’ bahani aspannan alip qoyadi degenine isenesen’ be?
Oylanip turdi da: ‘’qoysa qoyatin shig’ar’’ –dedi.
U’yge jetemen degenshe oylanip keldim. Aradan eki ku’n o’tip, ha’ptenin’ son’g’i ku’ni bizge u’shinshi ma’rte matematika pa’ni boliwi kerek. Men oqiwg’a tayarlanbay keldim. Sabaq baslandi mug’allim sabaq sorap basladi. Mug’allimlerde bir sir bar. Nege endi tayarlanbay kelgende sabaq soraydi? Ekinshi ma’rte de usinda boldi. Kutilgendey mennen soradi ‘’yaq tayarlanbadim ’’ –dep, juwap berdim. Endi baqirmaqshi bolg’anda , mug’allim ilaji bolsa, buginda bahani aspannan alip baha qoysan’iz jaqsi bolar edi da - dedim. Klasslas doslarim ba’ri kulip jiberdi. Qani’raw qag’ilg’anda mug’allim: - aziz oqiwshilar, aspanda baha tawsilip qag’an. Endigiden bilay bahani sizlerden alip qoyaman –dep, kulip shig’ip ketti. Sol ku’nnen baslap barliq sabaqlarg’a puqta tayarlanip baratug’in boldim. Endi klasslas doslarim matematika sabag’inda ‘’Aspannan baha kerek emes pe? ‘’- dep, ha’zillesip qoyadi. O’zin’izge baha berin’.
Sarbinaz Tureshova
QMU jurnalistika qaniygeligi I kurs studenti
«Yosh Jurnalistlar Klubi» a’zosi
Manba: parvoz.blogspot.com
1 комментарий:
jaqsi gurrin' eken! Molodets! Do'retiwshilikten to'xtaman'! (roon.com)
Отправить комментарий