AGENTTEGI ASHIG’IM

Ha’wes qilip dostima,

Men de pochta ashtirdim,

Esitip ko’p ta’riypin,

Agent degen da’stu’rdin’.

Jaylastirdim fotoma,

Suliw qizdin’ su’wretin,

O’z fotomdi qoyiwg’a,

Suliw emes kelbetim.

Drujba taslap jigitler,

Tanisqisi keledi,

Su’wrettegi suliw qiz,

Men dep oylap ju’redi.

Men de sada emespen,

Saylap xabarlasaman,

Unamasa fotosi,

Da’rhal «ignor» qilaman.

Sonin’ menen pochtamda,

Adam qaldi ko’beyip,

Jigitler bilay jazadi:

«Kel, ushrasip ko’reyik?»

Ishindegi en’ «kelisken»

Jigitke boldim irazi,

Menin’ menen ko’risiwge,

A’rmanda ju’r birazi….

Son’, «kelisken» jigitim,

SMS jazdi «janim» dep,

«Bir ushrasip ko’reyik,

Dim unatip qaldim» dep

Wa’delesken waqitta,

Ko’risiwge bardim men,

Ol jigitti ushiratip,

Qatti hayran qaldim, men.

Bilsem, meni aldapti,

Fotodag’i ol emes,

Bir turpayi kelip tur,

Suliw jigit ko’rinbes.

Meni ko’rip, ol  da hayran,

Suliw qizdi izledi,

Haqiyqatti bilgennen son’,

«Xosh bol u’mit u’z»- dedi

Ko’p waqittan berli, endi,

Basilmaydi ashiwim,

Meni «ignor» qilip ketti,

Agenttegi ashig’im.

Xudaynazarova Bibisara

QMU jurnalistika qaniygeligi II-kurs  studenti

 «Jas jurnalistler klubi» a’g’zasi

Manba: parvoz.blogspot.com